Piatkievič pryjšła da Łukašenki ŭ pinžaku luksavaha amierykanskaha brenda
Natalla Piatkievič nie ličyć patrebnym chavać svaju luboŭ da zachodnich elitnych brendaŭ navat ad Łukašenki, jaki rehularna ich krytykuje. Imavierna, raźlik na toje, što sastareły palityk nie adroźnić pinžak amierykanskich dyzajnierak ad elemaŭskaha.
Siońnia stała viadoma, što Natalla Piatkievič pryznačana vice-premjeram pa sacyjalnych pytańniach. Jana vidavočna pretenduje i na zvańnie samaj modnaj biełaruskaj čynoŭnicy.
U hety raz Natalla dla aficyjnaha mierapryjemstva ŭ Łukašenki vybrała pinžak amierykanskaha premium-brenda Veronica Beard.
Heta vytančanaja madel u retra-styli, natchnionaja kłasičnymi palaŭničymi i vierchavymi žakietami, ale z sučasnaj interpretacyjaj kroju. Spałučeńnie karyčnieva-bežavaj drobnaj kletki z čyrvona-aranžavymi akcentami nadaje stroju vyrazny vintažny nastroj. Adkładny kaŭnier z vostrymi łackanami padkreślivaje elehantnaść i strymanuju kłasiku vobrazu.
Nieviadoma, ci acanili takuju vytančanaść u łukašenkaŭskich kabinietach, a voś Miehan Markł, Hvinet Pełtroŭ i Ryz Uizierspun dakładna b zrabili Natalli kamplimient, bo taksama lubiać Veronica Beard.
Ciapier na aficyjnym sajcie premijalnaha brendu madel Aire Dickey Jacket całkam raskuplena. Ale ž pieršapačatkova taki pinžak kaštavaŭ amal 700 dalaraŭ.
Ciapier na inšych sajtach pinžak, jak u Piatkievič, možna nabyć ź vialikaj źnižkaj — usiaho za 273 dalary.
Ale, kaniečnie, heta daloka nie adzinaja darahaja reč u harderobie Natalli Piatkievič. Naprykład, padčas jaje niadaŭniaj pajezdki ŭ Smalavičy, šyju čynoŭnicy ŭpryhožvała šaŭkovaja chustka ad Hermès — madel Jeu de Cartes (u pierakładzie z francuzskaj — «hulnia ŭ karty»).
Dyzajn byŭ stvorany mastačkaj An-Mary Kasandre i ŭpieršyniu pradstaŭleny ŭ kalekcyi Hermès u 2018 hodzie. Darečy, hety luksavy brend słavicca svaimi dyzajnami — kožny siezon vypuskajucca novyja aŭtarskija prynty. Praz heta šmat jakija ich šyjnyja chustki stanoviacca kalekcyjnymi.
Zapłaciła Natalla za chustku prykładna 500-550 dalaraŭ.
Prapahandysty azadačylisia: jak upeŭnić narod, što miech bulby — heta kruta, a Maldyvy — nie
Dzie tusić łukašenkaŭskaja moładź? Pje ŭ «Lebiadzinym», adpačyvaje ŭ Paryžy i Miłanie
Pakul Łukašenka skardzicca na biełarusaŭ za luboŭ da Versace, prapahandystka pachvaliłasia ich parfumaj
Łukašenka: Biełarusy rvucca pa Gucci, Versace i inšuju hadaść
Ciapier čytajuć
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary