Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam
Alaksiej Kučar — syn adnaho z eks-načalnikaŭ Vajennaha kamisaryjata Hrodzienskaj vobłaści i vypusknik Maskoŭskaha pahraničnaha instytuta FSB Rasii — u 2015-m prasłaviŭsia svajoj publičnaj padtrymkaj akupacyi Ukrainy. U jaho vialikija pieramieny ŭ žyćci — ciapier jon polski biznesmien, pazbaŭleny doma zvańnia. Jahonyja biźnies-partniory — tyja samyja, što pieradali varšaŭski «Moładzievy chab» Siarhieju Bulbie (Čysłavu). A jahonaja žonka skončyła vajskovuju akademiju ŭ Varšavie.
U 2015-m nieabyjakavyja hramadzianie dasłali ŭ redakcyju «Našaj Nivy» zroblenaje ŭ Hrodnie fota: pad škłom staroha «Falksvahiena» ściah tak zvanaj Navarosii.
Tady pa numary telefona, pakinutym pad tym ža škłom, udałosia znajści ŭłaśnika — im akazaŭsia ŭčorašni vypusknik Maskoŭskaha pahraničnaha instytuta FSB Rasii Alaksiej Kučar, syn načalnika ŭpraŭleńnia nakiravańnia pryzyvu na vajskovuju słužbu Hrodnienskaha abłasnoha vajenkamata Siarhieja Kučara.
Čytajcie archiŭny materyjał: Syn hrodzienskaha vajenkama vučycca ŭ instytucie FSB i jeździć na mašynie sa ściaham «Navarosii»
Da pastupleńnia ŭ Maskvu Alaksiej Kučar skončyŭ Suvoraŭskuju vučelniu, a ŭžo z dypłomam instytuta FSB pastupiŭ na słužbu ŭ Pahraničny kamitet Biełarusi.
Na zaŭvahu «Našaj Nivy» pra toje, što Alaksandr Łukašenka (na toj jašče momant) nie pryznavaŭ nijakich «Navarosij», Kučar adkazaŭ «ničoha strašnaha».
Nikoli bolš Alaksiej Kučar nie traplaŭ u fokus miedyja, ale trajektoryja losu aficera akazałasia niezvyčajnaj.
Čym jon zajmaŭsia na słužbie, nieviadoma.
Letam 2020-ha jamu pastavili zabaronu na vyjezd ź Biełarusi. Jaje vystaviŭ KDB zhodna z rezalucyjaj tahačasnaha kiraŭnika Pahraničnaha kamiteta Anatola Łapo.
Čamu była pastaŭlena zabarona, dakładna nieviadoma. Zvyčajna zabarona stavicca na piać hadoŭ paśla zvalnieńnia sa słužby. Mahčyma, Kučar jakraz adbyŭ svoj pieršy kantrakt i zvolniŭsia. Viadoma, što ŭ tym ža 2020-m jon paśpieŭ papracavać kiroŭcam u pryvatnaj kampanii.
U lubym razie, u Biełarusi Alaksiej nie zatrymaŭsia. Užo ŭ listapadzie 2020 hoda jon u instahramie vinšavaŭ svajho małoha syna z dniom naradžeńnia, adznačyŭšy łakacyjaj Varšavu. Usie nastupnyja publikacyi taksama byli z varšaŭskim hieateham, z sakavika 2021-ha Kučar staŭ pisać u instahramie pa-polsku.
6 maja 2021 hoda byŭ apublikavany ŭkaz Łukašenki №174, jakim pazbaŭlalisia zvańniaŭ 86 vajennasłužačych, siarod jakich Stanisłaŭ Łupanosaŭ, Jaŭhien Juškievič, Maćviej Kuprejčyk, Uładzimir Žyhar, Alaksandr Azaraŭ i inšyja. Alaksieja Kučara taksama pazbavili zvańnia kapitana zapasa.
Čym Kučar zasłužyŭ pazbaŭleńnia zvańnia, infarmacyi niama. Nie ŭdałosia znajści ni jahonych intervju, ni zadakumientavanych faktaŭ udziełu ŭ prateście. Ale, ź inšaha boku, u takich tonkich pytańniach mnohaje moža paprostu nie vylivacca ŭ publičnuju śfieru.
Zhodna z polskim rehistram jurydyčnych asob, Alaksiej Kučar značycca staršynioj praŭleńnia kampanii HUB Consulting — jurydyčnaj asoby z šyrokimi zajaŭlenymi śfierami dziejnaści: roźničny handal (asnoŭny zadekłaravany vid dziejnaści), budaŭnictva, markietynh i vyvučeńnie rynku, ramontnyja raboty i inšaje.
Jašče dva členy praŭleńnia hetaj kampanii — Anastasija Baravikova i Andrej Rakievič. Tyja samyja fihuranty skandała z «Biełaruskim moładzievym chabam», jaki jany pieradali Siarhieju Bulbie (Čysłavu), vykinuŭšy z praŭleńnia Alesia Łapko. Heta była hučnaja historyja.
Čytajcie taksama: Pamiatajecie vajnu ź Biełaruskim moładzievym chabam u Varšavie? Daviedalisia, što tam adbyvajecca ciapier
Sama kampanija była stvorana ŭ 2019 hodzie, a Kučar źjaviŭsia ŭ HUB Consulting tolki ŭ śniežni 2021-ha.
Razam z Kučaram vyjechała i jahonaja žonka Hanna, ź jakoj jany sustrakalisia jašče z časoŭ vučoby ŭ instytucie FSB. Imavierna, jana maje ŭkrainskaje pachodžańnie, u Biełarusi pracavała na mytni.
U Linkedin Hanny Kučar adznačana, što paśla pryjezdu ŭ Varšavu (2021-2023) jana pastupiła ŭ Varšaŭskuju akademiju vajskovaha mastactva (heta vialikaja vajskovaja VNU) i paśpiachova skončyła mahistarskuju prahramu pa mižnarodnaj biaśpiecy i dypłamatyi.
Čym zajmajecca ciapier — nieviadoma.
Baćka Alaksieja, pałkoŭnik Siarhiej Kučar, jaki raniej raździmaŭ u svaich sacsietkach ruski duch, čakajučy tanki Šajhu pad Kijevam, ciapier, imavierna, na piensii.
Siarhiej razam z žonkaj Irynaj aktyŭna padarožničajuć. Za apošnija paru hod byli ŭ Brytanii, Italii, Francyi i hetak dalej.
Ciapier u ichnich sacyjalnych sietkach, jakija jany viaduć pad inšymi imionami, ničoha nie śviedčyć ab raniejšych pohladach.
Chiba što tolki na staroj staroncy Iryny Kučar u «Adnakłaśnikach» zastałasia avatarka, dzie jana akurat pa centry hierba rasijskaha FSB.
«Naša Niva» adpraviła Alaksieju Kučaru pytańni ab pryrodzie jahonaha ideałahičnaha kulbita, a taksama pra detali historyi z pazbaŭleńniem zvańnia. Alaksiej pračytaŭ pytańni, ale ničoha nie adkazaŭ.
«Naša Niva» — bastyjon biełaruščyny
PADTRYMAĆCiapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia25
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary