30-hadovamu palitźniavolenamu anarchistu Siarhieju Ramanavu dali dadatkovy termin za kratami
Ciapier jaho ahulny termin składaje 24 hady i 5 miesiacaŭ źniavoleńnia.
Palitźniavolenamu anarchistu Siarhieju Ramanavu dadali jašče paŭtara hoda da terminu.
Heta ŭžo treci raz, kali Siarhieja asudzili pavodle artykuła 411 Kryminalnaha kodeksa («złosnaje niepadparadkavańnie patrabavańniam administracyi»). Ciapier jaho ahulny termin składaje 24 hady i 5 miesiacaŭ źniavoleńnia, paviedamlaje telehram-kanał «AČK-Biełaruś»
Taksama Siarhieja niadaŭna pieraviali ŭ pamiaškańnie kamiernaha typu i zabaranili jamu malavać. Malunki, jakija jon adpraŭlaje ŭ listach, nie prapuskajuć.
30-hadovaha chłopca zatrymali 29 kastryčnika 2020 hoda. Razam ź Iharam Alinievičam, Dźmitryjem Rezanovičam i Dźmitryjem Duboŭskim jaho abvinavacili pa šerahu artykułaŭ za padpał słužbovych aŭtamabilaŭ, budynka DAI i dziaržaŭnaha kamiteta ekśpiertyz u Homielskaj vobłaści.
U lutym 2021 hoda KDB unios palitviaźnia ŭ śpis «asobaŭ, datyčnych da terarystyčnaj dziejnaści». A ŭ śniežni taho hoda Ramanavu dali 20 hadoŭ kałonii strohaha režymu.
Paźniej chłopcu dadavali termin pa artykule 411.
Jon ciapier u kałonii №11 u Vaŭkavysku.
-
Kolki času zajmaje vydača pašparta novaj Biełarusi? Były kalinoviec raskazaŭ, jak atrymlivaŭ dakumient
-
U Mahilovie pradajuć 10 ton bulby ŭsiaho pa 60 kapiejek za kiło. Što ź joj nie tak?
-
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič
Kamientary